حملة لأ--اعتصام

دعت حملة لأ الى اعتصام اليوم. رايحين؟ الإعتصام ضد قانون الدرك.

انا اذا كنت فاضي ما عندي مشكلة

شباب شو صار بالاعتصام؟؟؟ حد قدر يشارك؟

كلهم على بعض كانو 12 اتنين منهم منا كمال و حمزة يا معلم

انا كنت هناك وما شفت لا كمال ولا حمزة، أصلا ما صار اعتصام، دخلو الشباب ال 10 والشرطة سمحت الهم يدخلو يحضرو الجلسة، ودخلو يحضرو الجلسة وأنا روحت، بس حركتهم كانت جريئة بصراحة وعجبتني، وهم مفكرين بخطوات تصعيدية أخرى رح يعلنو عنها في وقتها

رحنا انا وحمزة, و كنّا جوة, ويحرء عرض هيك نشاط فاشل

شكله انتو اجيتو بعد ما كانو شباب حملة لأ دخلو عالجلسة، لما دخلو انا طلعت وروحت، علشان هيك ما تصادفنا هناك. هلا رفيق كمال نشاطهم هذا كان فاشل، بس مش ملاحظ انه سقفهم بلش يرتفع؟ يعني بصراحة شكله بدهم يدخلو بمنافسة معنا، وهذا اشي ايجابي لمصلحتنا ومصلحتهم

رفيق...

أنا شايف إنهم لسّا فاشلين. إنّو جوا البرلمان, ما صار إشي, أنا توقعت يصير إعتراض أو إشي صراخ, بس ما صار, وسحبوا\نا حالهم و روحنا. وهادا كل إشي. و في طريق الخروج, حمزة وأنا صرنا نكتب بأصابعنا على سيارات النواب, ولمّا طلبنا منهم نسخ عن بيانهم عشان نعلّقو عل السيارات, كان معهم... نسختين!!!

الفكرة إنّو الأفكار لمّا ما تكون طلعت عن طريق المشاركة, تبقى محدودة, و واضح إنو الإرتجال غير وارد... بإختصار, ما في حس فوضوي, شو رأيك؟

رفيق معك انه النشاط فشل، لكن واضح انه عندهم نهج مختلف وإحنا معنيين انه يتعمقو في هالاتجاه. أما بالنسبة للفوضوية والارتجال فأنا أعتقد هناك فرق بينهم. هلا الواحد لما يكون مخطط منيح لنشاط أو احتجاج أو شي من هالقبيل، بيكون مكون تصور منيح عن الموضوع، وبالتالي بيكون ارتجاله في اتجاه ايجابي غالبا، لكن لما يدخل على الطبخة بدون حسابات ويرتجل، بيكون عمل فوضى، وما بيكون فوضوي. الإبداع يا رفيق بيكون بالتحرر من كل القيود والاستسلام للفوضى الشاملة، لكن على أرضية من المعرفة. والمرحلة الثانية من الإبداع هي إخضاع كل الأفكار اللي طلعت من الفوضى، إخضاعها للتفكير المنطقي علشان يتم الاختيار بينها. يعني بدون ما أطول بالحكي انا بفهم العلاقة بين الإبداع (الفوضى) والمنطق (النظام) على إنها علاقة جدلية قائمة على التتابع وليس التناقض. وعلاقة جدلية تعني ثنائية، ما بيمشي واحد فيهم بدون الثاني.

آسف على الإطالة، إضافة زغيرة بخصوص المشاركة، المشاركة مهمة جدا مش بس في اتخاذ القرارات، لأ وبالتنفيذ كمان. والقرارات الي بتتاخذ بشكل فردي ما بتقنع الناس بالمشاركة في التنفيذ. يعني لازم المجموع يكون شريك بالقرار قبل ما نطالبه يكون شريك بالتنفيذ

Admin كتب:

كلهم على بعض كانو 12 اتنين منهم منا كمال و حمزة يا معلم

ليش مغلبين حالكم ب رفيقين من عندكم

عكل حال رفاق هادا ما كان أعتصام كان الهدف منو انو ندخل الجلسة

أهلا بالرفيق shoyo3y نرحب بأي نقد.... احنا كمان بس نقصر بنشاط نعمل حرب محابة على بعض. الرفاق كانو بنقلو صورة ما حدث فقط لا غير
مرحبا بك مرة اخرى

حبيب قلبي الرفيق shyo3y
تحية فوضوية و بعد
الاستاذ كمال خوري هو مفكر قديم... يستشيره نعوم تشومسكي و منير حمارنة أطال الله عمره و زبط شعره و خلّاه مقدام كالعادة في لجنة تنسيق أحزاب المعالرضة... سوط الأمة الأول.
لقد أشار القرموط (من القرامطة عشان نثقفك ... فيع) كمال الخوري أن الاعتصام فاشل.... و هذا ما أكدت أنت عليه من أن التجمع كان الغرض منه دخول جلسة النواب (اللي بتقدر تسويه بدون اعتصام يا حليوة)
كما أنك أضفت انا عم بنقلدكم !!!! و هنا أتساءل (وين ولاد الحزب الشيوعي لما بدنا نعمل اضراب ؟؟؟ أم أنها حركة غير ثورية كفاية؟؟
نحن نشارككم مبادراتكم بالاعتصام مهما كانت المناسبة طالما لم تتعارض مع برنامجنا... فيا ريت ما تجرح و تضب لسانك... عيب هالحكي أبو شيوع
100 وردة

مسا الورد عليك رفيق عامر..... اشتقنالك

عامر الدويك كتب:

حبيب قلبي الرفيق shyo3y
تحية فوضوية و بعد
الاستاذ كمال خوري هو مفكر قديم... يستشيره نعوم تشومسكي و منير حمارنة أطال الله عمره و زبط شعره و خلّاه مقدام كالعادة في لجنة تنسيق أحزاب المعالرضة... سوط الأمة الأول.
لقد أشار القرموط (من القرامطة عشان نثقفك ... فيع) كمال الخوري أن الاعتصام فاشل.... و هذا ما أكدت أنت عليه من أن التجمع كان الغرض منه دخول جلسة النواب (اللي بتقدر تسويه بدون اعتصام يا حليوة)
كما أنك أضفت انا عم بنقلدكم !!!! و هنا أتساءل (وين ولاد الحزب الشيوعي لما بدنا نعمل اضراب ؟؟؟ أم أنها حركة غير ثورية كفاية؟؟ اضراب يا زلمة هوا كان في اضراب بلاش نضحك على بعض ونلعب على قفزات امام الاعلام فقط
نحن نشارككم مبادراتكم بالاعتصام مهما كانت المناسبة طالما لم تتعارض مع برنامجنا اهلا وسهلا فيكم هاي الاعتصامات مش مشانا مشان الشعب فلا تحملنا جميلة انك بتشاركنا فيها ..
. فيا ريت ما تجرح و تضب لسانك...
عيب هالحكي أبو شيوع
100 وردة

بتعرف شغلة

كلك زووووء

تحياتي للرفاق

شو رفاق إحنا مش بحرب كلامية لا مع الحزب الشيوعي ولا غيرو

مثل ماحكيت رفيق عامر إحنا رح نشارك بكل الاعمال الي بتتفق مع برنامجنا السياسي .

وللرفيق الشيوعي هذا إنتقاد طبيعي لكل عمل وطني ينتابة بعض الشوائب يعني نحنى ما ردينا على كلام الرفيق محمد طميزة

لما صرح ضد الاضراب في 4 أيار وضد حركتنا بوسائل الاعلام - إقراء راديو عمان - متل ما شفت راح من عنا إثنين من

الرفاق لمؤازرة إعتصامكم رغم مهاجمتكم للحركة , وعلى فكرة نحنا ما منافسكم لانوا سقفنا أعلى من سقف قيادة الحزب

الشيوعي .

لكم العز يا رفاقي

مهند

رفيق مهند نحن لا نجد في الحزب الشيوعي عدو لنا, و كما تمت الاشارة نحن لا نعارض المشاركة في فعاليات بادر أي حزب آخر فيها ... ولكن يؤسفني أن أعضاء في أحزاب تدّعي التقدمية تتبع نهج أفراد مثل .......... و كلنا نعرف أنهم عارضوا التدخل في عمل يهم الشعب كاملا, و كان أعضاء الحزب الشيوعي أول من أدان تصريحات الدكتور..... والان يظهر على الساحة الرفيق shyo3y اللي سايب كل اشي و قاعد يطخطخ على حركة من الواضح أن همها الوطني و همه الوطني متشابهين...
أما يا استاذ shyo3y فالاضراب لو نجح على الصعيد الاعلامي فهذا نجاح أكبر من أن تتمكن من ادانته... و عندما تقول بكل سخرية "اضراب مين والناس نايمين" فهذه الجملة تجعلني احس أن لدى الحزب الشيوعي قاعدة شعبية أكبر من أن أستطيع تخيلها و أن لدا الرفيق ...... ما لا يقل عن 70 ألف مقاتل... فالى الأمام أبو شيوع... و اذا مش عاجبك اللي عم نكتبه, فهنالك مثل يقول (سيبك مني... و اعتبرني مش موجود)
نحن بانتظار فعالياتكم القادمة عشان نيجي و "نحملكم جميلة" كما أشرت
100 خسة

رفيق عامر تم تعديل المشاركة ... المعذرة... احكي براحتك لكن دون التعرض لاسماء بعينها

100 بوسة الك

Admin كتب:

مرحبا مرة اخرى رفيق shoy3y انا من رأيي انه نترك موضوع النقاش الجانبي هاد كله,,,, و خلينا نطرح موضوع اكثر جدية من طرفنا و طرفكم....
مع كل الحب

.

بكل صدر رحب تفضل رفيق

رفيق... بنصحك مرة تانية ما تعدل... لما أحكي فبحكي باسم شخصي و أعني.... و ما تعدل .. و هي ابتسامة من باب حسن النية
شيوعي... انت مش عدو... بش ضب لسانك عن شخصيات "وطنية" و هي اللي ايجاك

ولا يهمك رفيق. بتمون